गजल : समानता हुनुपर्छ

 

गहिरो प्रेम गरेपछि सधैं डरमा बस्नु पर्छ
उ आखाँको वरिपरि नजरमा बस्नु पर्छ ।।

तिमी त हिडि रहयौ सधै धन कमाउन
सन्तानको माया पाउन घरमा बस्नु पर्छ ।।

कति गर्छौ शंका दुु:ख गरेकि श्रीमति माथि
सँगै जिउन एक अर्काको भरमा बस्नु पर्छ ।।

गुनासो नगर तिमीले गाउँमा बसेर दु:खको
सुख सुविधाहरु पाउन त सहरमा बस्नु पर्छ ।।

नगर बाचुन्जेल कसै माथि भेदभाव तिमीले
आखिर चितामा शवलाई बराबरमा बस्नु पर्छ ।।

---

Süräj Brøës
अर्खले, गुल्मी
हाल : बिरानो मुलुक