कञ्चनपुरकी १३ वर्षिया बालिका निर्मला पन्तको बलात्कारपछि हत्या आरोप लागेका निलम्बित एसपी डिल्लीराज बिष्ट, उनका छोरा किरण विष्ट र भीमदत्त नगरपालिकाका मेयर सुरेन्द्र विष्टका भतिज आयुष विष्ट सहित तीन जनाको डिएनए रिपोर्ट आइतबार दिउसो सार्वजनिक भएको थियो । तीनै जनाको रिपोर्ट निर्मलाको शरिरमा भेटिएको ‘भेजाइनल स्वाब’ सँग नमिलेको बताइए संगै नेपाली कांग्रेस तथा नेपाल विद्यार्थी संघ झन आन्दोलीत बनेको हो ।राँके जुलुस नेपाली कांग्रेसको पार्टी कार्यालय बाट सुरु भई जिप्रका, मदनचोक हुदै भानुचोकमा पुगेर बिरोध सभामा परिणत भएको हो । बिरोध सभामा बोल्दै बिद्यार्थी नेताहरुले निर्मलाको भजाइनल स्वाब नै नक्कली पठाइएको हुन सक्ने र । त्यता तिर कसैको ध्यान नगएकोमा आपत्ति जनाएका छन् ।
निर्मलाकोको न्यायका लागि निरन्तर दबाबमूलक कार्यक्रम अन्तरगत कञ्चनपुरमा सोमवार नेवि संघले शैक्षिक आमहड्तालको घोषणा समेत गेरको छ । हत्यारा पक्राउ नपर्दासम्म दबाबमूलक कार्यक्रमहरु नरोकिने संघका केन्द्रीय सदस्य कैलास चन्दले बताए ।
नेपाल समाचारपत्र
