जिल्ला अस्पताल तम्घास गुल्मीमा गुनासो संकलन

अन्जान अधिकारी , गुल्मी भदौ २५ ।
ट्रान्सपरेन्सी इन्टरनेशनल नेपालमा आवद्ध संस्था सुशासन अभियान गुल्मी मार्फत सञ्चालित एलाक आउटरिच कार्यक्रम अन्तर्गत आज गुनासो संकलन कार्यक्रम सम्पन्न गरिएको छ ।

आज जिल्ला अस्पताल तम्घास गुल्मीको परिसरमा गुनासो डेस्क राखी अस्पतालले दिने सेवासम्बन्धमा सेवाग्राहीको गुनासो संकलन गरिएको हो ।

जिल्ला अस्पताल तम्घास गुल्मीबाट सेवा लिदा अस्पताल बाट निःशुल्क पाउनुपर्ने औषधिहरुको बारेमा पूर्ण जानकारी नभएको र नपाएको, ल्याब टेस्टको लागि ११ बजेनै सेम्पल दिए पनि रिर्पोट २ बजे मात्र आउने हुदा टाढाका सेवाग्राहीलाई घर जान गाडि छुट्ने समस्या भएको, अस्पताल फार्मेसी २४ घण्टा नै सञ्चालन हुनु पर्नेमा नभएको, अस्पताल कर्मचारीले नियमित रुपमा कार्यालय पोशाक नलगाएको लगाएतका गुनासोहरु आएका थिए ।

प्राप्त गुनासोहरुका बारेमा सम्वन्धित सेवाप्रदायकसंग बसेर समस्या समाधानका उपायबारे छलफल गरिने भनी संस्थाका अध्यक्ष श्यामकुमार पण्डेयले बताउनुभयो । उक्त कार्यक्रम संस्थाका सह–सचिव विनोद पाण्डेय, कार्यक्रम सहायक अञ्जना अधिकारी सहयोगी विक्रम पन्थीको उपस्थितमा सम्पन्न भएको थियो ।

---

प्रकाशित मिति : २५ भदौ २०७५ ।