गायिका निर्मला थापा मगरको “भमरा” सार्वजनिक

साझा नेटवर्क, काठमाडौं पुष ४ ।
गायिका निर्मला थापा मगरको नयाँ पप गीत “भमरा” नामक एल्बम सार्वजनिक भएको छ । गायिका थापाले आफ्नै युट्युब च्यानलमार्फत गीतलाई सार्वजनिक गरेकी हुन् । हरेक किसिमका गित गाउन सक्ने क्षमता भएकी गायिका थापाको यो भन्दा पहिलेका एल्बमहरुले निकै चर्चा कमाउन सफल भएका छन् ।

पधेरिमा पानी भर्न, यो मनले जस्ता लोक पप एल्बम तथा सोल्टी राजा, तम्घास बजार, भेट हुदा नामक लोक दोहोरी गीत सबैको मनमनमा बस्न सफल भएका छन् ।गायिका थापाको स्वर रहेको गीतमा शब्द तथा संगीत राज कुमार बगरले गरेका छन । कमल सौरागको संगीत संयोजन रहेको गीतको म्यूजिक भिडियोमा भुवन मगर, आरुषी मगर र हेरुका लामाको अभिनय देख्न सकिन्छ ।

दिपेन्द्र तिमल्सिनाले निर्देशन गरेको भिडियोमा मनोहर गोतामेले कोरियोग्राफी गरेका छन् । त्यस्तै दिलिप पन्तको निर्माण नियन्त्रक रहेको भिडियोलाई सम्पादन तथा रंग भर्ने काम पवन सिंखडाले गरेका छन् । भिडियोको दृश्य निर्माण मण्डली फिल्मसले गरेको हो ।

हेरौ गीतको पुरा भिडियो ।