कल्पनाको “शासबिनाको धडकन” गीत अष्ट्रेलियामा छायाँङकन

साझा नेटवर्क
शुक्रबार, असोज ९ २०८३

अनिल खत्री, गुल्मी कार्तिक १९ ।
नेपालमा रेकर्ड भएका गीतहरु पछिल्लो समय यता नेपाल बाहिर बिभिन्न देसहरुमा भिडियो छायाँङकन हुनेक्रम बढ्न थालेको छ । नेपाल बाहिर बिभिन्न देसहरुमा रहेका मनमोहक दृश्य सहित गीतहरुको म्युजिक भिडियोहरु तयार सँगै नेपालमा त्यस्ता गीतहरु पनि वढ्न थालेका छन् ।नेपालमा रेकर्ड भएको गायिका कल्पना कुसुमको गीत ‘शासबिनको धडकन’ अष्ट्रेलियामा छायाँङकन भएको छ । माया प्रेममा आधारित उक्त गीत केहिदिन पहिले रेकर्ड भएको थियो ।

दर्शक श्रोतालाई गीत सहित केहि फरक अनुभुती सहितको म्युजिक भिडियो देखाउने उदेश्यले नेपाल बाहिर छायाँङकन गरिएको उक्त गीतकी गायिक कल्पनाले बताइन् । सुगम संगतीत मार्फत नेपाली सांगीतिक क्षेत्रमा प्रबेश गरेकी गायिक कल्पनाले ल्याउने पछील्लो एल्वम केहि दिनमै सार्बजनिक गर्ने बताइन् ।

गोल्डेन टाईम्सको प्रस्तुतिमा अष्ट्रेलियामा छायाँङकन भएको गीतमा मिलन मीश्र र सिता भण्डारीको मुख्य अभिनय रहेको छ । सिताले यसै गीत मार्फत पहिलो पटक मोडलिङ्ग क्षेत्रमा प्रबेश गरेकी छन् । गीतमा नेत्रजंग पाण्डेयको निर्देशन र बिनोद केसीको छायाँङकन रहेको छ । कमल खत्रीको लय शब्द रहेको गीतमा गायिका कल्पना कुसुम र कमल खत्रीकै स्वर रहेको छ ।

निकै मर्म स्पर्शी शब्द संगीतले तयार भएको गीत म्युजिक भिडियो तयार हुनसाथ बजारमा आउने कुसुमले बताइन् । गीतले धेरै दर्शक श्रोताको मन जित्नेमा आफु आसावादी रहेको कल्पनाको भनाई छ ।