इस्मा रुपन्देही सम्पर्क कमिटिद्धारा खुल्ला तीजगीत प्रतियोगीता सम्पन्न

टोपलाल अर्याल, गुल्मी साउन ३०।
नेपाली नारीहरुको महान चाड हरितालिका तीजको अवसरमा नेकपा एमाले इस्मा रुपन्देहि सम्पर्क कमिटिले खुल्ला तीज गीत प्रतियोगीता सम्पन्न गरेको छ । इस्मा गाउँपालिका भित्र जन्मिएर विभिन्न शिलशिलामा रुपन्देहिमा रहेका इस्मालीहरुबिच आपसी सद्भाव र मित्रता कायम गर्न प्रतियोगीताको आयोजना गरिएको कमिटीले जनाएको छ ।
बुटवल आर्दश नगरमा भएको प्रतियोगीतामा ६ समुहको सहभागीता रहेको थियो । जसमा तम्घास खानीगाउँ घर भएकी शुशिला घर्तिमगरको समुह प्रथम भएको छ । भने सुर्योदय दिदि बहिनीको द्धतिय र अनिषा खड्काको समुह तृतिय भएको सम्पर्क कमिटीका सचिव दुर्गा अर्यालले बताए ।
प्रतियोगीतामा निर्णायक मण्डल समेत रहेका लोक दोहरी गायक सपना गाहा, बिजय गैरै र स्थानीय कलाकार भरत महतले विभिन्न सांगितीक खुराक प्रस्तुत गरेका थिए । कार्यक्रममा नेकपा एमालेका सचिव तथा सांसद गोकर्ण बिष्ट, गाउँपालिका प्रमुख लक्ष्मण बिष्ट र उपप्रमुख बिमला केशीले पठाएको शुभकामना सन्देश पढेर सुनाइएको थियो ।
इस्मा रुपन्देहि सम्पर्क कमिटि अध्यक्ष रेशम महतको अध्यक्षता रहेको कार्यक्रममा गुल्मी रुपन्देहि सम्पर्क मञ्चकाका अध्यक्ष देबराव खनालको प्रमुख आतिथ्यता रहेको थियो । कार्यक्रमको संचालन इस्मा रुपन्देहि सम्पर्क कमिटि सचिव दुर्गा अर्यालले गर्नुभएको थियो ।