बागलुङमा अनलाईन मार्फत घटना दर्ता गर्ने तयारी हुँदै

कमल पौडेल, बाग्लुङ जेष्ठ २० ।
घटना दर्ता तथा सामाजिक सुरक्षा भत्ता वितरणमा सुचना प्रणलीको प्रयोग सम्वन्धी चार दिने तालिम खर्वाङमा सुरु भएको छ ।
बागलुङ क्षेत्र नं. ३ भित्रका वडा सचिव तथा सामाजिक परिचालकहरुको लागि संचालन गरिएको तालिममा जिल्ला समन्वय समिति बागलुङका मिन वहादुर थापा र राजेन्द्र शर्माले सहजिकरण गरिरहनु भएको छ।
आज भएको उद्घाटन कार्यक्रममा वडिगाड गाउँपालिकाका अध्यक्ष मेहरसिंह पाइजाले सरकारी सेवा प्रविधि मैत्रि हुनु पर्ने वताउनु भएको छ। कार्यक्रम वडिगाड गाउँपालिका वडा नं. २ का अध्यक्ष विष्णु भुसालको अध्यक्षता, वडा सचिव गिता पौडेलको स्वागत मन्तव्य तथा थम्मन रेश्मीको संचालनमा सम्पन्न भएको थियो ।

तालिम पश्चात व्याक्तिगत घटना का कार्य सुचना प्रणाली मार्फत गर्ने वताईएको छ। यस अघि जेष्ठ १५ गते वाटै घटनादर्ता सुचना प्रणाली मार्फत गर्ने वताइएको थियो।