नेशनल प्याथ ल्याबको चौथो शाखा तम्घासमा

टोपलाल अर्याल गुल्मी, बैशाख १६ ।
नेसनल प्याथ ल्याबले गुल्मीको सदरमुकाम तम्घासमा आफ्नो चौथो शाखा बिस्तार गरेको छ । शाखाको शनिबार जिल्ला न्यायधिस मातृका प्रसाद मरासिनीले तम्घासमा उद्घाटन गरे । ल्यावको उद्घाटन गर्दै मरासिनीले सामान्य रिर्पोटको लागि अन्यत्र रेफर हुने गुल्मेलीहरुलाई राहत मिलेको बताए । संस्थाको विकास र भविष्य भोली दिने सेवामा भर पर्ने भएकाले सर्वसाधरणको हितमा काम गर्न उनले आग्रह गरे संस्थाका नेसनल प्याथ ल्याबका प्रबन्ध निर्देशक पवन जोशीले बिशेष प्रकारको ल्याव स्थापना हुनु गुल्मेलीको लागि सुखद कुरा भएको बताए । सामान्य जााच देखि बिशेष प्रकारका जााचहरु अव गुल्मीमै सम्भब हुनेछ । जसका लागि अत्याधुनिक उपकरणहरु तथा दक्ष प्राबिधिक जनशक्तिहरु सहित संस्थाले शाखा स्थापना गरेको उनले बताए ।
पश्चिम पहाडी जिल्लामै पहिलो
लगानी र सुविधाका हिसावले यो पश्चिम पहाडी जिल्लामै सवै भन्दा ठुलो ल्याव हो । संस्थाले एक करोड दश लाखको लागतमा नेसनल प्याथ ल्याब संचालनमा ल्याएको हो । प्रयोगशालामा विभिन्न हर्मोन, क्यान्सर मार्कर, भिटामिन, पिसाब, रगतको कल्चर, पाठेघरको क्यान्सरको जाच तथा अन्य क्यान्सरको जााच र होल बोडी चेकअपको प्याकेज समेत रहेको शाखा प्रमुख होम पल्लीले बताए ।
घरबाटै नमुना संकलन
संस्थाका अध्यक्ष  रुक बहादुर  कार्कीले परीक्षणका लागि घरबाटै नमुना संकलन गर्न सकिने र बिरामी वा आफन्तले अनलाइनबाटै रिपोर्ट हेर्न सकिने व्यवस्था गरिएको जनाए । सर्वसाधरणलाई सामान्य चेकजााच गर्न पाल्पा बुटवल धाउनुपर्ने समस्यालाई हटाउन तथा गुणस्तरीय ल्याब सेवा प्रदान आफुहरु गुल्मीसम्म आएको बताए ।

जसले गर्दा अब नमुना जााचका लागि बाहिर पठाउदा धेरै समय लाग्ने, बिरामीको उपचार समेत प्रभावित हुने लगायतका समस्या नहुने बताए । साथै प्रयोगशालामा आर्थिक अवस्था बिपन्न भएका बिरामीहरुको जााच निशुल्क गर्ने व्यावस्था समेत मिलाइएको उनले बताए ।