प्रेस चौतारी अछामको आन्दोलन जारी

गोबिन्द भण्डारी, अछाम माघ २८।
प्रेस चौचारी अछमले पत्रकार महासंघ अछामबाट गैर पत्रकारलाई मनलाग्दी सदस्यता वितरण भएको भन्दै निर्णय सच्चाउँन आग्रह गर्दा पनी नसच्चाएको भन्दै आन्दोलन जारी राखेको छ ।

पत्रकार महासंघ अछामले हुकुमी पारामा गैरपत्रकारलाई वितरण गरेको नयाँ सदस्यता खारेज नगरे सम्म आन्दोलन जारी राख्ने बताएको छ । कुनै सञ्चार माध्ययमा नरहेका तथा क्रियाशिल नरहेको व्यक्तिलाई दिएको सदस्यता तत्काल छानविन गर्न चौतारीले माग गरेको छ ।

कुनै सञ्चार माध्ययममा नरहेका र पत्रकारिता नगर्नेलाई कुनै दलको संगठनमा भर्ती गरेजस्तै गरिएको छ, यो समग्र पत्रकारिता जगत र पत्रकार महासंघको गरिमा र मर्यादा विपरित भएको प्रेस चौतारी अछामका अध्यक्ष टेकराज भण्डारीको भनाई छ ।

महासंघ आफैंले बनाएको कार्यविधिलाई समेत कुल्चेर सदस्यता वितरण र नविकरणमा मनपरि गरिएको छ । संस्थागत रुपमा महासंघलाई कब्जा गर्ने र फरक विचार राख्नेहरुलाई सदासर्वदा वाहिर राख्ने उद्धेश्यबाट महासंघको नेतृत्व लागेको र निरन्तर पत्रकारिता गरेको हुनुपर्ने तथा स्नातक तह गरेकालाई एक बर्ष निरन्तर समाचार क्षेत्रमा काम गरेको हुनुपर्ने व्यवस्था गरेको पत्रकार महासंघ अछामका सचिव शिवराज ढुंगानाले बताउनु भयो ।

यो कार्य कुनै पनि हालतमा मान्य नहुने प्रेस चैतारी अछामले जनाएको छ । प्रेस चैतारी अछामले पत्रकार महासंघको कार्यलयमा ताला समेत लगाएको छ ।